गजल

गजल 

तिमीले यो मन चोरेर लग्यौ म बाचूँ कसोरी 

आँशुको सागर  छोडेर  गयौ म  हासूँ कसोरी ॥॥

मोहनी लायौ आँखामा छायौ शितलु बनेर

यि मोती दाना खहरे झै छन् म साँचू कसोरी ॥॥

गाजलु आँखा कोईली भाका गीत झै लाग्दथ्यो 

चखेवा जोडी छुटेर गयो म नाँचू कसोरी  ॥॥

मनैले रोज्या आफैँले खोज्या मयालु तिमी हौ

भावना लहर जिउने रहर म मासूँ कसोरी  ॥॥

मुटुमा तिमी धड्कनमा तिमी यो ज्यान तिम्रै हो
छोडेर साथ अन्तै यो प्रीत म गासूँ कसोरी   ॥॥