गजल -

बिधाताले यो भाग्यमा दु:ख मात्रै लेखिदिए

कतै अघि बढौ भन्दा बाटो सधै छेकिदिए !

बराबरी लेख्या हुन्छ सुख दु:ख सुनेको थेँ

लेख्दा लेख्दै यो कर्मको सुख शब्द मेटिदिए !

भन्नेहरु भन्थे आँशु बग्न कहाँ दिन्छ दैव

बोहोसीमा ढलेको थेँ त्यहिँ छाति टेकिदिए !

जन्म दिनु मृत्यु दिनु उनकै हातमा ताला साँचो

जन्माएर लाला बाला बिना मुल्य बेचिदिए !

घाउहरु आफै दिने निर्मोही हो दैव पनि

ज्युने आशा बाँकि अझै घाउ खाटा सेकिदिए !!