महोदय,
यहाँ महान् नेता देशको
म यहाँको फ्यान हूँ !
मलाई यहाँका हरेक आचरणहरु मन पर्छन्
नपरोस् पनि कसरी ??
यहाँ को आदतै छ ज्यादतीको
यहाँ सँग खेती नै छ झुटको
म अन्धो समर्थक हूँ यहाँको
यहाँ जे गर्नुस् ..जसो गर्नुस्
मान्य छ ,
बिरोधको आवाज उठाउने हिम्मत पनि छैन ममा !
यहाँ आउनुहुन्छ जानुहुन्छ
त्यो सँग मलाई कुनै मतलब छैन
किनकि म अपांग हुँ
मलाई यहाँकै ज्यादतीले अपांग बनायो
यहाँकै झुटले बहिरो बनायो
यहाँलाई हेर्दा हेर्दा
मेरा आँखाको ज्योती पनि गुम्यो
तर पनि म मा त्यो क्षमता छ
यहाँलाई बुझ्न सक्ने
देख्न सक्ने
महोदय,
यहाँ भाका माथी भाका दिँदै जानुहुन्छ
म हेर्दै बस्छु
प्रतिक्षा गर्दै
खोई त ??
यहाँको भाका पनि बित्यो
फेरी अर्को भाका दिनुभो !
यो पनि नतमस्तक भएर स्विकारेँ
तर
तर महोदय,
यो म्याद खेर नजाओस्
यहाँको अगुल्टाले म अब
आगो निल्न र ओकल्न सक्ने भा'छु
चेतना भया !!
0 प्रतिक्रिया हरु:
Post a Comment