गजल

नखोज भो घर गाऊँमा कतारमा छु म ऐले

पसिनाको मोल हुने बजारमा छु म ऐले !

आफ्नो बारी बाँझै उता झारपातको रजाँई छ

साँझ बिहान बालुवाको स्याहारमा छु म ऐले

सपनाको महल मेरो कैले सम्म ठडिएला

बसौँ अझै कति यहाँ  दोधारमा छु म ऐले

पस्मिना र बर्को उता रुँदै बस्या देख्छु सधै

नानाभाँति फेसन-को  प्रचारमा छु म ऐले

प्रवासमा पीडाहरु लुकाएर कति हाँस्थे

देखावटि मात्र हाँसो चित्कारमा छु म ऐले

दूर हुँदा तिमी बाट छट्पटिन्छ 'देव' सधै

के रमाउँ तिमि सँग  हतारमा छु म ऐले !!

_____०_______

Dev E Dhungana

झापा

हाल - कतार