हिजो सम्म काम चल्ने भाँडो भएँ तिम्रालागी
काम बन्यो फलिदियौ ठाँडो भएँ तिम्रालागी ||१| |
फुल थिएँ मोहनी रुप मेरो जादु चल्थ्यो जब
अर्कै फुल पाए पछी काँडो भएँ तिम्रालागी ||२| |
लेक बेंशी सँगै गर्यौ ऊ बेलामा चौका हान्यौ
ठेस लाग्दा भनिदियौ घाँडो भएँ तिम्रालागी | |३| |
मनले खाँदा चिप्लो घस्यौ बुद्धिमानी नाम दियौ
लाटो देशको म तन्नेरी गाँडो भएँ तिम्रालागी | |४| |
ऊ नहुँदा "देवी" को यो आलिंगन नै प्यारो मान्यौ
भेट्यौ जब सहयात्री राँडो भएँ तिम्रालागि | |५| |
0 प्रतिक्रिया हरु:
Post a Comment